 Gonca-i aşk'ız ki bu hûrşîd şebnemdir bize,
Gevher-i şevkız ki bahr-ı bî-gerân nemdir bize.
Gerçi hâkiz rûzgâr-ı gamda âteş-meşrebiz,
Feyz-bahş-ı bâğ-ı dil eşk-i dem-â-demdir bize.
Biz sadef-veş eyledik âyîne-i tab’ı celî,
Aşinâ-yı hayretiz vahdet müsellemdir bize.
Zahm-ı şemşîr-i nigâh-ı merhametden hastayız,
Hançer-i elmâs-ı zehr-âlûd merhemdir bize.
Rüstemiz Şehnâme-i i’câza verdik sûreti,
Hâme-i câdûmeğer esb-i mutalsamdır bize.
Pey-rev oldum ben de Gâlib vâlid-i zî-şânıma,
Kim du’â vü medhi hem farz u hem elzemdir bize.
Mustafâ nâm u Reşîd ü mürşid ü üstâd-ı küll,
Her nigâh-ı himmeti iksîr-i a’zamdır bize.
Farkımızda sâyesin Allâh memdûd eylesin,
Alem ancak zât-ı vâlâsıyla âlemdir bize ...
Şeyh Galib
|
|
Hiç yorum yok:
Yorum Gönder